Gjykata e Apelit e Tiranës akuzon Policinë e Shtetit se ka manipuluar provat ndaj Gjergj Cukalit, i dënuar për vrasjen e ish-policit Arben Bilali.
Gjykata ka analizuar mënyrën si janë marrë mostrat e analizave të AND-së së Cukalit, dhe gjurmët në një bidon uji të gjetur në makinën e tij. Nga kjo gjykata ka dalë në përfundimin se marrja dhe përdorimi i këtyre provave është bërë në mënyrë të dyshimtë dhe në kundërshtim me ligjin.
Kështu gjykata ka hequr masën e sigurisë për Gjergji Cukalin duke urdhëruar lirimin e tij në shtator 2019.
Në vendimin e Gjykatës theksohet se prova e vetme mbi të cilën Prokuroria ka bazuar dyshimin e arsyeshëm dhe është vendosur masa e sigurimit “arrest në burg”, është e papërdorshme pasi kjo provë rezulton të jetë kryer në mënyrë të kundraligjshme duke shkelur rëndë urdhërimet e dispozitës ligjore gjatë fazës së hetimit.
Edhe bidoni plastik ku u gjetën gjurmët e gishtave ato nuk rezulton të jetë sekuestruar kryer në vendin e ngjarjes por në një ambient të mbyllur, të fshehtë, thuhet në vendimin e Gjykatës.
Sipas Ora Neës, ky vend ishte një garazh i policisë shkencore në Drejtorinë Vendore të Policisë Tiranë, vetëm me punonjës policie dhe ekspertë të policisë shkencore.
Gjykata e Apelit i quan këto veprime të falsifikuara, aspak serioze apo profesionale, për rrjedhojë prova materiale e emërtuar me nr.7 në Procesverbalin për mbikëqyrjen e vendit të ngjarjes datë 01.02.2019, ora 16:30, është e papërdorshme në procesin penal.
