Lirimi i pastorit amerikan Andrew Brunson nuk e ka ‘zbutur’ qëndrimin e presidentit Donald Trump.
Ky i fundit eklaroi se do të takojë pastorin në Shtëpinë e Bardhë pas lirimit nga autoritetet turke. Trump tha para medias se ndihej i nderuar që pastori po kthehej në shtëpinë e tij në Shtetet e Bashkuara.
“Ai ka vuajtur shumë, por ne jemi shumë mirënjohës ndaj shumë njerëzve”, deklaroi Trump. Presidenti hodhi poshtë raportimet se Shtetet e Bashkuara kishin arritur marrëveshje me palën turke për të hequr sanksionet ndaj Ankarasë për të mundësuar lirimin e tij.
Pastori amerkan u la i lirë të premten, pasi qëndroi 2 vite në burg. Lirimi erdhi pas një presioni të gjatë nga Washingtoni që për pak sa nuk e futi në kolaps ekonominë turke.
Brunson ishte arrestuar nën akuzën se kishte gisht në tentativën për grusht shteti kundër Presidentit Erdogan, akuzë që pastori amerikan e kishte hedhur poshtë.
