Dita e sotme ka nisur me tensione dhe në Kavajë, ku protestuesit janë mbledhur pranë KZAZ-ve, duke kërkuar lirimin e ambienteve.
“BalkanWeb” raporton se nënkryetari i Bashkisë së Kavajës, Hysen Kadiu, i ka dhënë ultimatum policisë që deri në orën 16:00 të lirojë ambientet e KZAZ-ve. “Ju lëmë afat deri në orën 16:00. Nëse i mbroni dot, hallall ju qoftë”, ka thënë ai.
Ndërsa edhe Bashkia e Gjirokastrës ka kërkuar që të lirohen ambientet e KZAZ 78. Pritet që nga momenti në moment të mbërrijë policia bashkiake. Kjo bashki drejtohet nga Zamira Rami e cila vjen nga radhët e Lëvizjes Socialiste për Integrim dhe ka kërkuar që të respektohet dekreti i presidentit Meta.
