Një foshnje që lindi rreth 368 gram, ka mbijetuar mrekullisht. Kallie Bender ka lindur në muajin maj të këtij viti. Ajo ishte aq e vogël, sa një kukull Barbie. Vajza tashmë është nxjerrë nga spitali, dhe peshon 3.1 kg. Mjekët thonë se vogëlushja e ka marrë veten, dhe se çdo gjë po shkon mësë miri.
Nëna e Kallie, Ebonie Bender, tha për “DailyMail” se ajo dhe burri i saj, Dameon, po përpiqeshin për një vajzë, pasi kishin tre djem, të moshës 18, 15 dhe 12 vjeç. Ata u entuziasmuan kur zbuluan se ajo ishte shtatzënë.
“Unë u frikësova vërtet”, tha Bender. “Unë u tremba nga e panjohura, çfarë do të ndodhte, ku do të ishte jeta e saj pas kësaj”.
Pothuajse 1 në çdo 10 foshnje në SH.B.A. ka lindur para kohe.
Foshnjat e parakohshme vuajnë një rrezik më të madh të problemeve me frymëmarrjen, problemet e të ushqyerit dhe janë më të ndjeshëm ndaj kontraktimit të infeksioneve, të rrezikshme për jetën.
Lindja e parakohshme është kontribuesi më i madh në shkallën e vdekjes së foshnjave në SH.B.A.
Për fat të mirë, Kallie nuk vuante nga ndonjë gjakderdhje në tru, ose infeksione që janë të zakonshme tek bebet e lindura herët.
“Unë jam mirënjohëse që përkundër sfidave shëndetësore që ajo pati, mund të ishte shumë më keq”, tha Bender.
