Lëvizja Socialiste për Integrim është bërë bashkë me Partinë Demokratike për sa i përket ligjit të mbetjeve.
Ish-kreu i LSI-së, Petrit Vasili, në një deklaratë për mediat tha se për këtë çështje i takon popullit të vendosë, ndërsa politika duhet të heshtë.
Ashtu si PD, edhe LSI deklaron se zgjidhja është referendumi i popullit, teksa theksoi se nisma e re e ndërmarrë nga shumica nuk ka kuptim.
FJALA E VASILIT:
Nuk kemi të bëjmë me një projektligj për mbetjet, kemi të bëjmë me ligj. Ky ligj është pjesë e ligjeve që Kuvendi miraton.
Këtu ka një rol të veçantë për të bërë rojtarin e rregullores, kryetari i Kuvendit. Nëse ai do pranonte një dhunim të tillë, do ishte fundi sepse rregullorja do kishte rënë, pra të shqyrtohet.
Nuk u mor asnjëherë në shqyrtim ky dekret sepse ne mbështetëm dekretin e presidentit që ky ligj të mos kalonte. Kur ligji u soll në parlament, PS na siguroi që ky proces ishte shteruar.
Kjo s’kishte ndodhur. Më pas deklaruam qartë që të pranohet dekreti i presidentit dhe ligji të kthehet mbrapsht.
Mbetet vetëm referendumi popullor.
Pika e 4-t është kjo: është pretenduar se për këtë ligj do punohet për të bindur opinionin publik.
Zgjidhja më e ndershme është të kemi referendum popullor, Evropa ka një interes të madh të shkarkojë plehrat dhe e kuptoni cili është risku në një vend ku ka një rritje shumë të lartë të sëmundjeve kancerogjene.
Vullneti popullor është shërimi më i mirë për këtë çështje, politika le të heshtë. Ky është opinioni përfundimtar i yni, i takon kreut të Kuvendit që procedura të zbatohet.
Pse nuk ratë dakord me PD-në, e cila ka ngritur një kërkesë për referendum?
Votimi ishte në kushtet e mirëbesimit të plotë, Komisioni përkatës udhëhiqej nga PS, e cila na siguroi që gjithë ky proces ishte shteruar. Në kushtet e një mosbesimi, propozova një amendament për të vëzhguar këtë procedurë.
Momenti i kthimit të ligjit nga presidenti ishte një moment që u vlerësua edhe nga LSI-ja në atë kohë dhe garantuam që një nismë të tillë ne nuk do e votonim më./Tirana Today
