Së fundmi Ambasada Amerikane në Tiranë ka reaguar lidhur me Ligjin Anti-KÇK, duke nënvizuar se pavarësisht mbështetjes ndaj qeverisë për të luftuar krimin, mekanizmat e përforcuar duhet të mbështesin institucionet e reja të drejtësisë.
“Ne do të vazhdojmë ta ndjekim zbatimin e këtij ligji me interes të madh”, thuhet ndër të tjera në deklaratën e Ambasadës.
Deklarata e plotë: “Ndërsa vazhdon zbatimi i reformave të rëndësishme të drejtësisë, Shtetet e Bashkuara mirëpresin përpjekjet e intensifikuara nga Qeveria e Shqipërisë për të parandaluar krimin e organizuar që të përdorë pasurinë e paligjshme për të minuar themelet e shtetit ligjor.
Mekanizmat e përforcuar për zbatimin e ligjit duhet edhe të mbështesin institucionet e reja të drejtësisë të ngarkuara me ndjekjen penale të krimit të organizuar, edhe të harmonizohen me standardet e procesit të drejtë ligjor. Ne do të vazhdojmë ta ndjekim zbatimin e këtij ligji me interes të madh”.
