Liga Profesioniste e futbollit ka vendosur sot për ti dhënë fund bojkotit, dhe të nisë kampionatin e Kategorisë Superiore më 4 nëntor.
Vendimi në fjalë ka ardhur pas përgjigjes zyrtare të të mandatuarit të qeverisë për negociatat, Fidel Ylli, i cili një ditë më parë siguroi se të gjithë kërkesat do të realizohen nga kryeministri Rama. Por klubet duhet patjetër t’i japin fund bojkotit.
Në përfundim të takimit, kreu i FSHF Armand Duka, konfirmoi se ditën e dielë do të nisë Kupa, ndërsa të mërkurën ndeshjet e Superiores.
