Pas 14 viteve bashkë, Nora Istrefi i dha fund martesës me Robert Berishën. Ndonëse u aludua për një tradhti nga ana e këngëtares, mësohet se historia është krejt tjetër, pasi pretendohet se Roberti prej një viti është në një lidhje me një modele nga Kosova. Ndaj Nora Istrefi ka dorëzuar një padi në gjykatë për divorc nga Robert Berisha.
“Insajderi” ka zbuluar se padia është bërë dy javë më parë, në Gjykatën Themelore të Prishtinës. Disa ditë pas dorëzimit të padisë, Robert Berisha ka njoftuar se është ndarë me Nora Istrefin.
“Padia është dorëzuar dy javë më parë në Gjykatë. Arsyeja e kësaj është se Robert Berisha, është abuzues dhe është në lidhje jashtëmartesore me një modele nga Prishtina”, ka thënë ky burim.
Ky burim ka shtuar se çifti i famshëm i show-bizzit ka më shumë se një vit që nuk janë bashkë.
Këngëtarja ka preferuar që ndarjen ta kalojë në heshtje.
