Kreu i Shtetit, Ilir Meta, ka shpërndarë në Facebook një video me pamjet e rënda nga lufta në Ukrainë. Presidenti Meta ka ftuar shoqërinë civile për të vijuar me ndihmat humanitare për popullin e Ukrainës. Lufta ndërmjet Rusisë dhe Ukrainës ka hyrë në ditën e saj të pestë, teksa qindra vetë janë raportuar të vrarë dhe mijëra të tjerë të plagosur. Kievi vijon të jetë nën kontrollin e forcave ukrainase, të cilët nuk kanë lejuar avancimin e ushtrisë ruse.
“Shqipëria krah për krah me Ukrainën, në solidaritet të plotë me përpjekjet e një populli që po lufton heroikisht për të mbrojtur me çdo çmim lirinë e tij!
Nxis shoqërinë civile për të vijuar ndihmat humanitare!”.
