Drejtori i Përgjithshëm i Policisë së Shtetit, Gledis Nano, ka shkuar në SHBA në kuadër të një vizite pune disa ditore, ku ka vijuar takimet me zyrtarë të lartë të agjencive ligjzbatuese në Amerikë. Fokusi i takimeve që Nano ka mbajtur me zyrtarë të lartë të agjencive ligjzbatuese amerikane konsiston në operacionet e përbashkëta në luftën kundër krimit të organizuar dhe korrupsionit. Vizita e Drejtorit të Përgjithshëm Nano dëshmoi rëndësinë në rritje të luftës kundër korrupsionit dhe krimit të organizuar në Shqipëri nëpërmjet transparencës, besimit, operacioneve të përbashkëta dhe trajnimit. Ndër të tjera, homologët amerikanë kanë vlerësuar Policinë e Shtetit shqiptar për rolin e saj në ndihmën e afganëve, të cilët mbërritën në Shqipëri vitin e kaluar.
“Forcat e rendit dhe homologët e qeverisë së Shteteve të Bashkuara të Amerikës u takuan me Drejtorin e Përgjithshëm të Policia e Shtetit Shqiptar Gledis Nano gjatë vizitës së tij në Uashington javën e kaluar, për të përforcuar marrëdhëniet e ngushta dhe bashkëpunuese midis Policisë së Shtetit Shqiptar dhe Qeverisë së SHBA. Drejtori i Përgjithshëm Nano u takua me Zëvendës Ndihmës Prokurorin e Përgjithshëm dhe Këshilltarin për Çështjet Ndërkombëtare të Departamentit të Drejtësisë Bruce Sëartz, Shefin e Operacioneve të Jashtme të Administratës për Zbatimin e Çështjeve Narkotike (DEA) George Papadopoulos dhe Drejtoreshën Ndërkombëtare të Çështjeve Narkotike dhe të Zbatimit të Ligjit (INL) për Evropën dhe Azinë, Kate. Szpila, si dhe drejtues të tjerë të lartë nga Byroja e Sigurisë Diplomatike e Departamentit të Shtetit. Vizita e Drejtorit të Përgjithshëm Nano tregoi rëndësinë në rritje të luftës kundër korrupsionit dhe krimit të organizuar në Shqipëri nëpërmjet transparencës, besimit, operacioneve të përbashkëta dhe trajnimit. Homologët amerikanë vlerësuan gjithashtu Policinë e Shtetit Shqiptar për rolin e saj në ndihmën e afganëve të cilët mbërritën në Shqipëri vitin e kaluar”.
