Kryeministri Edi Rama po zhvillon një takim në Lezhë. Në fokus të këtij takimi janë anëtarësimet e të rinjve në FRESSH.
Por, sapo ka mbërritur në këtë qytet, Rama është përballur me një incident. Një grup të rinjsh e kanë pritur kryeministrin me protestë, teksa mbanin në duar pankarta të ndryshme. Në një prej tyre shkruhej:
“E gjithë vëmendja e Rilindjes për të rinjtë?! 79% e të rinjve duan të ikin”.
Kujtojmë se pak kohë më parë, Rama tha se nuk e shihte si tragjike dëshirën e shqiptarëve për të ikur jashtë shtetit.
