Drejtori i përgjithshëm i Policisë së Shtetit Ardi Veliu ka firmosur ditën e sotme disa ndryshime në radhët e policisë. “Balkanweb” raporton se janë larguar nga detyra drejtori i Policisë Rrugore Mitat Tola dhe drejtori i Policisë së Lezhës, Ferdinand Mara.
Kreu i ri i Policisë Rrugore është emëruar Edmond Targaj i cili më parë ka qenë drejtor i Policisë së Dibrës. Ndërkohë, në vend të Marës është emëruar Erigert Mitri i cili ishte shefi i Komisariatit të Fierit.
