Policia e Lezhës ka arrestuar dy persona dhe ka sekuestruar 9 mina me telekomandë. Siç duket në videon e mëposhtme, njëri prej të arrestuarve po lëvizte përgjatë bulevardit kryesor të qytetit me çantë kur ndalohet nga policia.
Brenda çantës policia sekuestroi 9 mina me telekomandë të pajisura me telefon për shpërthim në distancë, tritol dhe si dhe materiale të tjera që shërbenin për përgatitjen e këtyre minave.
Në pranga kanë rënë shtetasit Franko Çinari, 21 vjeç dhe Stavro Kotorri, 18 vjeç, të dy banues në Tiranë.
Këta të fundit u arrestuan pas finalizimit me sukses të operacionit të koduar “Etalion”.
Gjithashtu, policia ka shpallur në kërkim shtetasin me iniciale E.T., 30 vjeç, si bashkëpunëtor i të arrestuarve.
U sekuestruan :
– 9 mina me telekomandë të pajisura me telefon për shpërthim në distancë
– 1 çantë sportive
– 1 kallëp lëndë shpërthyese ( tritol)
– 4 magnete
– tela , kaçavida etj.. materiale të tjera që shërbenin për përgatitjen e këtyre minave.
