Levandovski elozhe Halandit: Mund të bëhet i miri në botë

Edhe pse konkurrenca mes dy bomberave është e madhe, kjo nuk ka ndaluar Robert Levandovski të flasë me superlativa për Erling Haland.

Leva sheh te sulmuesi verdhezi një uri të madhe për të shënuar dhe fituar ndeshjet.

“Sytë e tij tregojnë gjithçka, ai është shumë i uritur për të fituar dhe për të shënuar. Në të ardhmen nëse do të vazhdojë me të njëjtën uri, jam i sigurt që do të bëhet sulmuesi më i mirë në botë”, tha Levandovski për “CBS Sports”.

Por, polaku e këshillon atë duke thënë se: “Ndonjëherë nuk është e lehtë edhe kur fiton shumë ose gjërat ecin mirë. Por, kjo është diçka tjetër. Ai është shumë i ri dhe që tani ka nisur të flitet vetëm për të dhe për golat që ai shënon. Nëse menaxhon mirë situatat do të jetë edhe më i qetë në atë që bën”.

Për polakun është diçka shumë e mirë fakti që brezi i ri ka zgjedhur të luaj në Bundesligë.