Një qytetar ka folur për dhunën e ushtruar nga punonjësit e policisë gjatë orëve të para të mëngjesit në Dibër.
Bëhet fjalët për Korab Shehin, i cili në videon e publikuar nga Partia Demokratike, dëgjohet të thotë se ka qenë ora 03.00 e mëngjesit kur policë me maska dhe të armatosur me kallashnikovë kanë bastisur shtëpinë e të afërmve të tij.
Ndër të tjera, Shehi rrëfen se si është dhunuar nusja e kushëririt dhe djali i saj 14-vjeçar.
“Ishte ora rreth 03.00. Unë rri në kat të parë dhe në kat të dytë dhe të tretë i kishin thyer dyert të gjitha. Kur dola unë ata po zbritnin poshtë. Ishin me maska, me kallashnikov dhe gjithçka. Në atë kohë u thashë: Çfarë është? Jo s’kemi punë, më tha kush je. I thashë emrin, pastaj ata shkuan te nusja e kushëririt. Ngaqë e dija që ishte me 3 fëmijë të vegjël shkova atje.
Kur shkova atje, ata aty më shtynë, nuk më lanë dhe më përplasën për muri. Nuk më lanë që të shkoj aty. E dija që kishte për t’i rënë të fikët nuses së kushëririt. Asaj i ra të fikët në rrugë, ndërsa djali i kushëririt shkoi të marrë makinën, policët i thanë; ‘lere të vdesë në rrugë’, sepse i ra të fikët në rrugë.
Policët na kanë godit mua dhe djalin e kushëririt, na kanë rrahur. I kanë futur dhe në furgon dhe i kanë rrahur me shkop gome, plus që e kanë godit dhe në fytyra”, tregoi qytetari.
