Shqiptarëve u duhet që të përballen me koronavirusin, por edhe me tërmetet që kohët e fundit kanë qenë të shpeshta. Por fatmirësisht nuk kanë shkaktuar të lënduar, as dëme materiale. Në një kohë pandemie, kur qeveria shqiptare ka urdhëruar që të gjithë të jenë të izoluar, tërmeti ka shkundur vendin.
Lëkundje tërmeti janë ndjerë në afërsi të qytetit të Peqinit.
Sipas të dhënave paraprake, EMSC raporton se tërmeti ka qenë me magnitudë 3.6 sipas shkallës Rihter. Epiqendra e tij ka qenë 5 km në verilindje të Peqinit dhe 29 km në jug të Tiranës.
Thellësia e tërmetit ka qenë 5 km, ndërkohë që lëkundjet u regjistruan rreth orës 01:40.
