Ish-deputetja e PD-së, Albana Vokshi, ka reaguar në lidhje me urdhrin për të dhënë kontribut për tërmetin e 26 nëntorit. Në një njoftim të shpërndarë në media, citohej se të gjithë efektivëve të Shkodrës, do u mbahej një kontribut nga paga për familjet e prekura nga tërmeti.
Për të, ky është një urdhër veçse skandaloz. Sipas saj, kryeministri Rama nuk u ka hequr milionat oligarkëve të tij, por mban me urdhër lekët e rrogës së policëve dhe mësuesve.
Statusi
Urdhër skandaloz!!
Edi Rama nuk u heq 150 milionë USD oligarkëve të vet, por mban me Urdhër lekët e rrogës së policëve dhe mësueve.
Aktet duhet të anullohen me urgjencë!
Shqiptarët jane vetë solidarë, i ndihmojnë sic i kanë ndihmuar vetë deri më sot vëllezërit dhe motrat e tyre.
Lidhur me urdhrin në fjalë, ka pasur reagime të mëparshme nga opozita. Nënkryetari i LSI-së, Petrit Vasili e cilësoi gjithashtu një skandal. Vasili zbuloi urdhrin e lëshuar nga Drejtori i Policisë vendore të Shkodrës, sipas të cilës, policëve do t’u mbahen përqindje nga rroga në varësi të pozicionit përkatës.
Për Vasilin, ky është një skandal në një kohë që Rama, sipas tij, refuzon të marrë një qindarkë të vetme nga ata që ai i cilëson oligarkë.
