Basketbollisti i njohur, Kobe Bryant ka mbetur i vdekur si pasojë e një aksidenti me helikopter në Kaliforni.
Sipas ‘The Independent’, legjenda e NBA po udhëtonte me të paktën tre persona të tjerë në helikopterin e tij privat kur u rrëzua në Calabasas.
“Një telefonatë për një helikopter të rrëzuar erdhi në orën 10.01 të mëngjesit”, tha Departamenti i Sherifit i Qarkut në Los Angeles. Zjarrfikësit morën pjesë në vendngjarje dhe shuan flakët, por nuk kishte të mbijetuar.
41-vjeçari ishte ylli i ‘Los Angeles Lakers’ për shumë vite me radhë. Ai ka fituar katër herë titullin e NBA me këtë ekip dhe po ashtu është zgjedhur disa herë MVP. Bryant ishte shënuesi i katërt më i mirë në histori të NBA-së.
