Pak javë më parë, këngëtari Ledri Vula tërhoqi vëmendjen me deklaratën e tij teksa ishte e ftuar në një emision në Kosovë.
“Edhe femnat ja kanë nisë me repovat (të bëjnë rep), diçka s’o n’rregull!”- deklaroi publikisht reperi.
Mirëpo, kjo fjali ka shkaktuar shumë reagime në rrjet, dhe kanë qenë të shumta në numër femrat që e kanë kundërshtuar këngëtarin, pasi është perceptuar si një koment me përmbajtje diskriminuese dhe nuk është pëlqyer aspak nga ndjekëset, duke shkaktuar zhurmë në media.
Ndërkaq, pasditen e sotme këngëtari ishte i ftuar në emisionin “E Diell”, prej ku qartësoi se deklarata e tij është keqinterpretuar plotësisht.
Ledri pohoi se femrat duhet që të bëjnë rep dhe të jenë të suksesshme, por gjëja për të cilën ai nuk dakordësohet janë: fjalët e “pista”.
“Unë mendoj që femrat duhet të bëjë rap, por duhet të kenë kujdes me fjalët e “pista” sepse nuk u ka hije dhe le ta marrin si të duan këtë që po them. Përdorimi i fjalëve të tilla në tekste s`na ka hije as ne, djemve, jo më femrave apo gjithkujt tjetër që merret me rap. Nesër reperet do bëhen nëna dhe kur fëmija i tyre të dëgjojë dikë që të flasë për drogën, si do ndihen? Mund të bëhet një rap i mirë dhe pa përdorur fjalë të tilla”, tha Vula.
