Kryeministri Edi Rama, në një takim me elektoratin e tij në Elbasan ka shpërthyer në ofendime ndaj ish-deputetit demokrat, Aurel Bylykbashi, pas thirrjeve të këtij të fundit, për të pasur “vëllavrasje” në zgjedhjet e 30 qershorit.
“Ç’lidhje ka ai veshgjatë që del e flet sikur po ha tavë dheu me Lulin. Ai është një turp për Elbasanin, një shëmti për Elbasanin, ai është një aksident i natyrës, ai është një gabim njerëzor. Ai është krijuar në një moment ku Zoti nuk e ka pasur mendjen. Një brutal del e na thotë vëllavrasja çfarë problemi ka”, tha Rama.
Pjesë nga fjala e Ramës:
Asnjë shans nuk kanë ata. Ai veshgjati që thoshte nuk lejojmë të na e bëjnë prapë si na e bënë në 1944. Ai është një kokërr injoranti. Në atë kohë të cilës ai i referohet, opozita u vra. Sot opozita vret veten.
Në atë kohë u vendos asgjësimi i pluralizmit dhe ndalimi i çdo opozite. Sot është opozita që kërkojnë të marrë peng procesin politik dhe pluralizmin, për më të keqen e gjëra, për të marrë peng Shqipërinë. Ai i shkreti vdes të bëhet drejtor hipoteke.
Ç’lidhje ka ai me historinë? Me historinë e gjithë atyre socialistëve dhe demokratëve që të rrisin fëmijët e tyre këtu.
Çlidhje ka ai veshgjatë që del e flet sikur po ha tavë dheu me Lulin. Ai është një turp për Elbasanin, një shëmti për Elbasanin, ai është një aksident i natyrës, ai është një gabim njerëzor. Ai është krijuar në një moment ku Zoti nuk e ka pasur mendjen. Një brutal del e na thotë vëllavrasja çfarë problemi ka.
Një rrufe në qiellin e pastër të Elbasanit, një personazh qesharak që është e mjaftueshme ta braktisni Partinë Demokratike për sa kohë përfaqësohet nga ai. Është çehrja tipike e shpirtit të keq.
Është vemja tipike që ka ngrënë vazhdimisht trungun e kësaj politike qysh kur Ismail Qemali ngriti flamurin.
Unë dua që të gjithë ta kenë të qartë. Nuk është çështja e Edi Ramës, e qeverisë, është qeshja e dinjitetit të çdo njeriu.
As ky, as ata, as Neritani i shkretë nuk kanë faj. Faji është te 4 veta për ta bërë Shqipërinë plaçkë për të tregtuar karrierën e tyre.
