Një shqiptar, identiteti i të cilit nuk bëhet me dije, është ekzekutuar natën e kaluar në Athinë.
Mediat greke shkruajnë se ka humbur jetën një shqiptar 36-vjeçar. Shqiptari është gjetur pa jetë pas mesnate, në orën 00:30, midis rrugëve “Makri” dhe “Parnithos”, në lagjen “Kipseli” Athinë.
Sipas policisë greke, ai ishte qëlluar me plumb në kokë. Dyshimet e para janë për larje hesapesh. Policia dhe Prokuroria e Krimeve të Rënda kanë nisur hetimet, për zbardhjen e ngjarjes.
