Ambasada e SHBA në Tiranë ka rikujtuar me anë të një postimi, se duhet të jeni të vëmendshëm në datën që shënon oficeri në pikën e hyrjes kur udhëtoni me vizë turistike. Në njoftim thuhet se kur udhëtoni me vizën turistike, oficeri vendos sa kohë mund të qëndroni në SHBA. Po kështu vendosin një vulë në pasaportën tuaj, me datën që ju kërkohet të largoheni nga SHBA. Vlen të theksohet fakti se duhet të largoheni përpara asaj dite.
“Kur udhëtoni me vizën turistike, oficeri në pikën e hyrjes vendos se sa kohë mund të qëndroni në Shtetet e Bashkuara.
Pasi oficeri ju lejon të hyni në SH.B.A., ata vendosin një vulë në pasaportën tuaj me datën që ju kërkohet të largoheni nga Shtetet e Bashkuara.
Sigurohuni që të largoheni përpara asaj dite! Nëse keni pyetje të tjera për vizat, jam këtu për t’ju përgjigjur! #PyetAnen”, thuhet në njoftimin në fjalë.
