Ambasadori në largim i Britanisë së Madhe në Shqipëri, Duncan Norman, do të transferohet me një tjetër detyrë diplomatike. Ai ka njoftuar se do të zëvendësohet nga Alastair King-Smith. Në një postim në rrjetet sociale, Norman thotë se Smith është një diplomat karriere dhe se do të vijë në Shqipëri në muajin shtator të 2021. Ndërsa aktualisht, ai është i fokusuar në mësimin e gjuhës shqipe.
“Unë jam i kënaqur që Alastair King-Smith është emëruar si pasardhësi im nga shtatori 2021. Alastair është një diplomat me shumë përvojë, dhe shumë i aftë i cili do të ketë një sukses të madh kur të fillojë pas një viti. Ndërkohë Alastair po mëson gjuhën shqipe”, shprehet Norman.
