E ardhmja e bomberit kuqezi, Armando Sadikut nuk do të jetë më te skuadra spanjolle e Levantes. Elbasanasi nuk arriti të bindë trajnerin Paco Lopez, ndoshta edhe për shkak të dëmtimit të rëndë që pësoi. Ndërsa zëvendësuesi i tij pritet të jetë një futbollist me karrierë të madhe si, Roberto Soldado.
Levante do që të largojë 3 sulmues nga ekipi për t’i bërë vend afrimit të ish-lojtarit të kombëtares së Spanjës. Sadikut i është bërë e qartë se duhet të gjejë një skuadër tjetër për të vazhduar karrierën.
Sulmuesi 34-vjeçar pritet të rikthehet në Spanjë pas dy sezoneve të kaluara në Turqi me Fenerbahcen. Ky i fundit ka një eksperiencë të madhe në kampionatin spanjoll, pasi ka luajtur me Valencian, Villarealin, Getafen, Real Madridin dhe Osasunan.