Gazetari i portalit ‘Syri.net’, Aurel Rakipllari, ka reaguar me anë të një komenti shpjegues, pas përhapjes të lajmit të rremë për tërmetin që shkaktoi panik të madh te qytetarët mbrëmjen e djeshme. Gazetari i cili u shoqërua në polici, shkruan se kërkon ndjesë për panikun që krijoi te qytetarët, e ku sipas tij, nuk ishte bërë qëllimisht. Në argumentin e tij, ai thotë se lajmi nuk ishte i sponsorizuar aspak për të përhapur panik, por një gabim profesional.
Po kështu nënvizon faktin se lajmi nuk ka synuar aspak përhapjen e panikut, por ka ardhur si pasojë e nxitimit nga ankthi dhe frika e tërmeteve të shpeshtë, dhe një paralajmërim për marrjen paraprake të masave. Ndër rreshta, Aureli citon se qeveria gjeti rastin që të sulmojë portalin ku ai punon, për shkak se është kritik ndaj saj.
Shkrimi i gazetarit
Falje publike dhe dy fjalë për ‘komplotin’ e sponsorizuar rilindas që po merr dhenë
Nga: Aurel Rakipllari
Për herë të parë në jetën time, mu desh që prej orës 23.30 të mbrëmjes së 22 shtatorit deri mëngjesin e sotëm në ambjentet e drejtorisë vendore të Policisë Tiranë lidhur me lajmin e parashikimit të një tërmeti të fuqishëm që do të godiste vendin.
Fillimisht dua ti kerkoj falje cdo shqiptari per momentet e frikes dhe ankthit shkaktuar nga nje lajm jodashakeqes por i nxitur nga lajme ne portale dhe ankthi i nje termeti qe sapo kishim kaluar.
Nese lajmi do te ishte i stisur dhe i sponsorizuar per te perhapur panik, sic po mundohet ta shese politikisht qeveria, mediat prane saj dhe policia, nuk do te njoftoja fillimisht familjen time qe te merrnin masa apo edhe vete ne gazetaret te linim per disa minuta redaksine (gjithcka lehtesisht e verifikueshme nga telefoni tashme nen sekuestrim policor). edhe pse nje gabim profesional, i rende, personal i imi, lajmi nuk ka synuar aspak perhapjen e panikut, por nje nxitim nga ankthi dhe frika e termeteve te shpeshte dhe nje paralajmerim per marrjen paraprake te masave. Edhe nje falje, perfshire ketu edhe tim bir, 16 muajsh.
Se dyti, sa i perket lajmeve se cdo gje ka qene e planifikuar, ndersa une kam qene i nxitur prej te tjere personash, eshte trillim dhe synim per ti dhene nje gabimi tim personal, nxitur nga lajme pararendese ne nje media te njohur prane qeverise, synon thjesht ti jape ngjarjes ngjyrime politike. Gje e vertetuar edhe dje nga drejtuese te policise, qe bertisnin ne DVP Tirane “ju ka thene partia”…
Portali Syri.net, pjese e te cilit jam prej disa muajsh, e ka vertetuar se nuk i nevojitet nje “fake neës” per te rritur lexueshmerine. Kjo sic duket i djeg kryeministrit, i cili do te shperndante lajmin ne fjale dhe te frymezonte kreret me te larte te policise te ndermerrnin bastisjen e redaksise dhë ndalimin tim e te kolegeve te mi, ne kerkim te “kompllotit armiqesor”.
Ke ndaloi policia pas lajmit se ne nje prej protestave te opozites, persona te nxjerre nga burgu, do kryenin vrasje?
Po nga Topi, qe fshihu menjehere lajmin, kush u ndalua apo arrestua?
Sigurisht, qe qeveris nuk mund te gjente nje rast te arte per te goditur nje prej mediave te vetme opozitare dhe te terhiqte vemendjen nga zullumet e saj, te njepasnjeshme e te publikuara pa censure nga Syri.net.
Edhe nje here ndjese kujtdo qe mbremjen e djeshme iu desh ta kalonte jashte, ndjese edhe portalit Syri.net, qe po perballet me sulme te shumta per shkak te nje shkrimi, e perseris, merrte shkak nga lajme te publikuara me heret ne portale te tjera, e qe nuk kishte asnje synim tjeter.
Nese duan te terheqin vemendjen me kompllote, per te cilat eterit e tyre politike, vite me pare, hanin kokat e njeri-tjetrit dhe te shqiptareve te pafajshem.
Une rriedh nga dy familje, qe kane bere vite te tera burg dhe internim, madje edhe jane varur e pushkatuar nen akuzen e “Agjitacionit e Propagandes”, ndaj edhe per veten, nje denim i tille nuk do te me habiste.
Une vazhdoj te jem opozitar, jo ndaj kryeministrit personalisht, por ndaj keqqeverisjes, e cila perhap panik cdo dite duke larguar nga vendi qindra mijera shqiptare.
Sa per Syri.net, portali me i madh ne treg, vazhdoni ta lexoni, si dritarja e vetme e se vertetes ne nje kohe censure totale. Nje lajm jodashakeqes nuk e zbeh punen e nje stafi te terea qe prej vitesh ka vetem nje mision “te verteten”.
Faleminderit
