Policia e Shkodrës ka parandaluar një ngjarje që mund të rezultonte fatale. Mësohet se është arrestuar në flagrancë një 53 vjeçar, i cili nën kërcënimin e armës po ushtronte dhunë ndaj bashkëshortes së tij.
Falë një telefonate që është bërë në atë moment, policët e Komisariatit Shkodër në bashkëpunim me Forcën e Posaçme “Shqiponjat”, kanë vënë në pranga shtetasin R. Sh. 53 vjeç, banues në lagjen 10 Korriku, Shkodër.
Në cilësinë e provës materiale iu sekuestrua një armë zjarri pistoletë me silenciator.
Materialet iu referuan Prokurorisë së Rrethit Gjyqësor Shkodër, për veprat penale të “Mbajtja pa leje e armëve dhe municionit”, “Kanosja” dhe “Dhuna ne Familje”.
