Lajmet e fundit nga futbolli italian:
- Inter: Hakan Calhanoglu, pas ekzaminimeve mjekësore dhe pas një pushimi të shkurtër për drekë, arriti në selinë e klubit bluzi për të nënshkruar kontratën me drejtuesit.
- Juventusi: Bardhezinjtë me sytë nga Lokateli që po luan një europian të shkëlqyer por do t’i duhet të nxitojë pasi nga Spanja, Franca dhe Anglia ka klube që e pëlqejnë. Calciomercato.it raporton Totenhemin si klubin e interesuar anglez. Ëndrra e bardhezinjve mbetet Harry Kane por 150 milion si çmim është shumë. Pogba është një tjetër mundësi por me shumë gjasa vetëm nëse Ronaldo vendos të largohet nga Torino.
- Milan: Milani po mendon për pasuesin e Calhanoglusë dhe objektiv kryesor për momentin duket të jetë James Rodriguez i Evertonit. Megjithatë media italiane raporton dhe 4 emra të tjerë si hipoteza. Hakim Ziyech, Raphina i PSG-së, turku Under që kthehet tek Roma pas aventurës angleze këtë sezon që u mbyll, si dhe emri i Lemar nga Atletiko.
- Italia hap stadiumet me 25% tifozë në gusht. Lajmi vjen nga nënsekretari i Federatës, Costa.
- Raspadori: Italia për mua është një ëndërr, shokët e ekipit janë idhujt e mi.
