Nga analizat e fundit është arritur në përfundimin se vaksina anti Covid e Pfizer-BioNTech është 95 % efektive, nga 90% që u deklarua një javë më parë dhe se nuk ka efekte anësore.
Ky është një lajm i shkëlqyer, ndërsa e gjithë bota i ka sytë nga kërkuesit të cilët kanë dhënë rezultate shpresëdhënëse.
Në përditësimin e fundit, në sajë të kërkimeve të vazhdueshme, tregojnë se vaksina ka mundur të parandalojë format e lehta dhe të rënda të COVID 19.
Një tjetër lajm i mirë është se vaksina e Pfizer është 94% efektive tek të moshuarit dhe të rriturit, dy kategori që ende nuk dihej deri më sot efektiviteti i vaksinës.
Pfizer planifikon të prodhojë 50 milion doza këtë vit, dhe 1.3 miliardë në 2021.
