Një aksident i rëndë ka ndodhur mbrëmjen e sotme në Tiranë, ku si pasojë ka mbetur i vdekur një 55-vjeçar.
Sipas policisë, ngjarja ka ndodhur në rrugën ‘Teodor Keko’ në afërsi të Unazës së re. Ngjarja është regjistruar rreth orës 21:15, ku automjeti me drejtues E. S., 32 vjeç ka goditur një këmbësor rreth 55 vjeç.
Ndërkohë, nuk është bërë ende i ditur identiteti i të moshuarit.
Njoftim i policisë:
Rreth orës 21:15, në rrugën “Teodor Keko”, automjeti me drejtues E. S., 32 vjeç ka goditur një këmbësor rreth 55 vjeç.
Si pasojë e përplasjes, këmbësori ende i pa identifikuar ka ndërruar jetë.
Drejtuesi i automjetit shtetasi E. S është shoqëruar në Komisariat për veprime të metejshme hetimore.
Grupi hetimor ndodhet në vendngjarje dhe po vijon punën për sqarimin e rrethanave të ngjarjes dhe shkakut të aksidentit, si dhe identifilimin e 55 vjeçarit që ndërroi jetë.
