Përfaqësuesi i BE për dialogun Kosovë-Serbi, Miroslav Lajçak, ka thënë se ka njoftuar vendet e BE-së për situatën në veri të Kosovës. Me anë të një postimi në Twitter, ai shprehet i shqetësuar për situatën në veri, dhe u ka bërë thirrje për ulje të tensioneve.
“I informova vendet e BE-së për situatën në veri të Kosovës. Unë jam i shqetësuar dhe bëj thirrje për një zhvendosje të menjëhershme. Është e rëndësishme të zvogëlohen tensionet, të rivendoset një atmosferë paqësore dhe të lejohet liria e lëvizjes”, ka shkruar Lajçak.
Ai shprehet se janë të gatshëm për të lehtësuar bisedimet për të gjitha çështjet e hapura në dialog.
Kryeministri i Kosovës, Albin Kurti dhe ministri i Punëve të Brendshme, Xhelal Sveçla, kanë pritur ambasadorët e QUINT-it, një ditë pas vendimit për reciprocitetin ndaj targave të Serbisë.
Në njoftimin për media, thuhet se në takim është diskutuar rreth vendimit të djeshëm të qeverisë së Kosovës. Kurti i ka njoftuar ambasadorët, se nuk ka pasur incidente në asnjë vendkalim kufitar. Kryeministri ka deklaruar se te çështja e reciprocitetit ose kanë të drejtë të dyja shtetet, ose e kanë gabim të dyja.
