Lacio dhe Juventusi e kanë mbyllur në barazim 1-1, ndeshjen mes tyre të vlefshme për javën e 7-të në Serinë A.
Bardhezinjtë e Pirlos kaluan të parët në avantazh pjesën e parë, teksa shënuan me anë të Ronaldos në minutën e 16-të.
Pjesa e dytë foli më shumë për vendasit, që kërkuan me ngul golin, të cilin gjithsesi e gjetën në frymën e fundit.
Kaisedo pas një pasimi të marrë nga Korrea, rrotullohet bukur në zonë dhe ia del të dërgojë topin në fundin e rrjetës.
Me këtë rezultat, Lacio shkon në kuotën e 11 pikëve, në vendin e 9-të ndërsa Juventusi renditet i treti me 13 pikë.
