Largimi i aktores së humorit Delinda Disha nga spektakli i humorit ‘Portokalli’, u shoqërua me bujë. Madje kolegu i saj Salsano Rrapi tha se aktorja kishte ikur ‘fshehurazi’ nga programi.
Ajo nuk e mirëpriti këtë deklaratë, ku dhe me anë të një postimi në Facebook sqaroi se i kishte mbaruar kontrata, dhe nuk kishte dashur ta rinovonte, ndërsa ironizoi Salsanon, duke thënë se është barrë e rëndë të bësh zëdhënësin e ‘Top-it’. Gjithsesi, Delinda ka nisur një tjetër rrugëtim në karrierën e saj.
Delinda tashmë është stacionuar në ‘Klan’, ku do të jetë pjesë e spektaklit i cili pritet të fillojë së shpejti, “Klanifornia”.
Me anë të një postimi së fundmi, ajo ka zbuluar se bashkëshorti i saj do të jetë kostumografi i “Klanifornia”.
