Revista prestigjioze “Times” ka shpallur si ‘Njeriun e Vitit’ aktivisten suedeze të klimës, Greta Thunberg.
Kryeredaktori i revistës, Edward Felsenthal u shpreh se ajo erdhi nga askund dhe u bë në pak kohë udhëheqëse e një lëvizjeje mbarëbotërore”.
“U bë zëri më i fuqishëm për çështjen më të madhe me të cilën përballet planeti këtë vit. Ajo erdhi nga askund dhe u bë udhëheqëse e një lëvizjeje mbarëbotërore”, tha ai.
Adoleshentja bëhet kështu personi me moshën më të re që fiton një çmim të tillë. Protestat që ajo zhvillonte e vetme çdo të premte përpara parlamentit suedez gjatë orëve të shkollës, u bënë shkak për një lëvizje globale për të luftuar ndryshimin e klimës.
Lëvizja u bë e njohur si “E Premtja për të Ardhmen” dhe bëri që miliona njerëz në rreth 150 vende të veprojnë në lidhje me kauzën.
