Atletiko – Alavesh 18:30
Atletiko Madrid do të kërkojë të reagojë ndaj dy rezultateve zhgënjyese kur të vazhdojnë marshimin e tyre drejt titullit në La Liga, sot, në shtëpi kundër Alaveshit bask.
Skuadra e Diego Simeones aktualisht po kryeson tabelën, katër pikë larg Barcelonës së vendit të dytë, ndërsa Alaveshi zë vendin e 18-të, një pikë pas Elçes në vendin e 17-të me të njëjtin numër ndeshjesh.
Atletiko do të ndiejë presionin teksa Barça dhe Reali i Madridit përpiqen t’i ndjekin, dhe duke parë rëndësinë kjo ndeshje për ekipin e Simeones thjesht nuk mund të nënvlerësohet. Edhe Alaveshi nga ana tjetër ka nevojë për pikë.
Formacioni i mundshëm Atletiko: Oblak; Savic, Gimenez, Hermoso; Trippier, Lemar, Koke, Llorente, Carrasco; Suarez, Correra
Real Sosiedad – Barcelona 21:00
Barcelona do të përpiqet të sigurojë të pestën fitore radhazi në La Liga kur të zbresë në fushën e Real Sosiedadit në mbrëmje.
Gjigantët katalanas aktualisht janë të dytët në renditje, katër pikë prapa liderit Atletiko Madrid, ndërsa Real Sosiedadi zë pozitën e pestë, nëntë pikë prapa Seviljas së katërt.
Real Sosiedad është më se i aftë të marrë një rezultat pozitiv sonte, por për momentin është e vështirë të luash kundër Barcelonës duke marrë parasysh formën e tyre në kampionat. Messi ka qenë i shkëlqyer javët e fundit dhe pritet që argjentinasi të frymëzojë ekipin e tij për tre pikë të tjera këtë fundjavë.
Formacioni i mundshëm i Barcelonës: Ter Stegen; Mingueza, Lenglet, De Jong; Dest, Busquets, Pedri, Alba; Dembele, Messi, Griezmann
