14:00 Eibar – Bilbao
Aksioni i së shtunës në La Liga fillon me një derbi bask midis Eibarit në rrezik rënieje dhe peshës së rëndë në rajon Athletic Bilbaos në San Mames.
Eibari mund ta gjejë veten në fund të tabelës nëse humb sot dhe rezultatet e tjera do të shkojnë kundër tyre, ndërsa Athletic Bilbao mund ta përfundojë fundjavën në vendin e tetë, në ndjekje të pozicioneve të lakmuara evropiane në divizion.
16:15 Selta Vigo – Real Madrid
Real Madridi do të kërkojë të sigurojë të tretën fitore rradhazi në të gjitha garat kur luajnë jashtë ndaj Selta Vigos sot pasdite.
‘Los Blancos’ aktualisht janë të tretët në renditje, gjashtë pikë prapa udhëheqësit Atletico Madrid, ndërsa Celta zë pozitën e dhjetë, pasi ka mbledhur 34 pikë nga 27 ndeshjet e tyre në kampionat këtë sezon.
Selta është më se e aftë të mposhtë Madridin dhe Zidani do të jetë i kujdesshëm kundrejt një vetkënaqësie prej kualifikimit në Champions këtë mesjavë. Si rezultat, francezi duhet t’i rezistojë tundimit për të bërë rotacion, dhe kampionët duhet të kenë aq kualitet në fushë sa të mbledhin të tre pikët në Vigo.
18:30 Hueska – Osasuna
Në fund Huesca do të presë Osasunën në El Alcoraz pasdite vonë në një përplasje që mund të ketë implikime të mëdha për betejën e rënies së këtij sezoni.
Një fitore për vendasit mund të bëjë që këta të fundit të kapërcejnë Eibarin dhe Alaveshin në vendin e 18-të, ndërsa tre pikë për Osasunën mund të çojnë djemtë e Jagoba Arrasates në pjesën e lartë të ligës.
21:00 Vajadolid – Sevilja
Sevilja e Julen Lopeteguit do të shikojë të vazhdojë të ecë në një hap me peshat e rënda të La Ligës kur të përballen me Real Vajadolidin në ndeshjetn e fundit të ditës në Estadio Nuevo Jose Zorilla.
Vajadolidit, i cili nuk e ka mposhtur Seviljan në La Liga që nga viti 2012, do t’i duhet të bëjë shumë për të siguruar tre pikë sonte kundër skuadrës andaluziane.
