Kryeministri Edi Rama bën me dije se po përfundon fabrika e re agropërpunuese e përgatitjes së esencës së frutave dhe prodhimin prej tyre të lëngjeve natyrale, në Tamarë të Malësisë së Madhe.
Ai ka shpërndarë një video nga punimet që po kryhen, teksa thekson se ky investim do të ndikojë ndjeshëm në ekonominë lokale. Sipas kreut të qeverisë, ky investim do të punësojë një numër të konsiderueshëm njerëzish.
Postimi i plotë:
MIRËMËNGJES? me një nga plot e plot shembujt e bukur frymëzues të punës, që nuk bëjnë lajm!
Në Tamarë të Malësisë së Madhe, me mbështetjen e Agjencisë për Zhvillim Bujqësor dhe Rural, po përfundon fabrika e re agropërpunuese e përgatitjes së esencës së frutave dhe prodhimin prej tyre të lëngjeve natyrale ???
Ky investim do të ndikojë ndjeshëm në ekonominë lokale dhe një numër i konsiderueshëm njerëzish të zonës do të punësohen, por njëkohësisht fermerët do të kenë një destinacion për të tregtuar frutat e tyre?
#ShqipëriaqëDuam??☀️
