Në media kanë dalë pamjet e shpërthimit me tritol të banesës së Armand Dukës. Në pamjet filmike duket një i ri, i veshur sportiv me një kapuç në kokë, që shkon dhe vendos eksplozivin në derën e shtëpisë së Armand Dukës.
Nuk dihet ende se kush është autori, ndërsa policia vijon hetimet për ta identifikuar.
Ngjarja e rëndë ka ndodhur mbrëmë, ndërsa bëhet me dije se lënda plasëse ishte në një sasi shumë të vogël, teksa nga shpërthimi janë konstatuar vetëm dëme të vogla materiale.
Autori, pasi hedh lëndën plasëse, largohet me vrap. Brenda pak sekondave ndodh shpërthimi.
Duka nuk ka qenë në banesë gjatë shpërthimit, por ka mbërritur aty pak minuta më vonë. Forca të shumta policie kanë rrethuar zonën, dhe po punojnë për zbardhjen e ngjarjes dhe identifikimin e autorit.
