Kryeministri Edi Rama na ka surprizuar së fundmi, pasi i është futur edhe aktrimit. Për ata që nuk e dinë, Rama do të shfaqet në filmin më të ri të Ermal Mamaqit, “I love Tropoja”.
Ai është shfaqur në një video me Sony-n, një nga personazhet e emisionit të Mamaqit, që mesa duket mund të jenë edhe në ndonjë shesh xhirimi të filmit.
Teksa ky i fundit i kërkon kryeministrit çfarë mendimi ka për të, Rama përgjigjet: “Ky është i kamerës së fshehtë. Ky e bën fakt të kryer, çfarë do them unë për ty vëlla, ja me gjyzlyke të zeza në mes të natës”. Më pas të dy shpërthejnë në të qeshura.
Ky projekt kinematografik ka shumë personazhe të famshëm në kastin e tij. Ende nuk është zbuluar roli i kryeministrit në filmin në fjalë, e ndërsa na mbetet të presim deri në publikimin e komedisë.
