Autogolat janë gjithmonë të bukur për tu parë. Nuk mund të thuhet e njëjta gjë për ata që shënojnë në portën e tyre. Gjithsesi disa autogola janë të veçantë. I tillë ishte ai i sulmuesit të Sparta Roterdam, Stijn Spearings, në ndeshjen vendimtare në playoff kundër Dordrecht.
22-vjeçari u përpoq të largonte topin me gjithë forcën e tij nga lojtari kundërshtar, por realizoi një supergol… fatkeqësisht në portën e tij.
Autogoli i Spearings u shënua një minutë para fundit të ndeshjes, kur rezultati ishte 0-1 për Spartën, por Dordrecht nuk e mbajti dot rezultatin dhe Sparta arriti të realizonte sërish golin e fitores me Robert Muhren në kohën shtesë.
