E kishit menduar ndonjëherë që Google di vendodhjen tonë?! E gjithë agjenda jonë është e regjistruar nga Google, kudo ne ndodhemi. Në periudhën e koronavirusit, daljet janë gjithmonë e më të rralla. Qytetarët nxitojnë të vizitojnë më shumë furrat e bukës e farmacitë. Të gjithë jemi të gjurmuar.
Kompania ka nxjerrë raporte mbi mënyrën se si kanë ndryshuar udhëtimet gjatë javëve të kaluara. Tashmë nuk përbën më risi fakti që platforma si Google apo Facebook mbledhin informacione personale. Drejtuesit e kësaj platforme e kanë quajtur “Raporti i lëvizjes nga Covid-19”.
Këto raporte tregojnë të dhënat e përdoruesve nga SHBA, dhe janë të ndara në 6 kategori, duke përfshirë Tregti & Rekreacion, Ushqime & Farmaci, Parqe, Stacione Transiti, Vende Pune, dhe Residenciale. Sipas kompanisë, raportet vijnë nga njerëzit të cilët në mënyrë të vullnetshme kanë ndezur “location history (historia e vendndodhjeve)” në pajisjet e tyre. Kompania thotë se “të dhënat në këto raporte janë krijuar me të dhëna anonime nga përdoruesit që përdorin “location history”. Më konkretisht, ky aplikacion gjurmon lokacionin tënd në Google Maps, dhe ruan raporte për të gjitha vendet që viziton. Shumica e njerëzve e përdorin. Këto të dhëna do i shërbenin padiskutim zyrtarëve të shëndetit publik, për të gjurmuar shpërndarjen e virusit.
