Ish-deputeti Myslim Murrizi ndodhet në Pallatin e Kongreseve, aty ku po mbahen punimet e Partisë Demokratike. Pak para nisjes së Kuvendit Kombëtar të PD-së, ish-deputeti Murrizi tha se ai ishte kthyer në shtëpinë e vetë.
Duke qëndruar në të njëjtën linjë, ai shtoi se është kthyer në partinë ku ka kontribuar për 29 vite, por që u përjashtua pasi pranoi mandatin e tij, pas djegies së tyre nga grupi i PD-së.
“Surprizë do të ishte po të kisha shkuar tek Partia Socialiste, siç ka ndodhur me shumë emra. Unë jam kthyer tek ajo parti që kam kontribuar për 29 vite.
Unë kam ardh në shtëpinë time, pasi grupi që ma nguli pas shpine më përjashtoi për një vendim që rezultoi më pas të ishte gabimi më i madh i Partisë Demokratike. Është parti që ka pasur diversion mendimi, nuk është parti e punës”, tha Murrizi.
