Ish-prokurori i Përgjithshëm Theodhori Sollaku kritikon Këshillin e Emërimeve në Drejtësi, pasi sipas tij nuk ka respektuar Kushtetutën për radhën e zgjedhjes së anëtarëve të Gjykatës Kushtetuese.
Teksa ishte i ftuar këtë mbrëmje në emisionin “360 Gradë”, Sollaku nënvizoi se presidentit Ilir Meta duhet t’i dërgoheshin 3 emra për një post në Kushtetuese. Më pas, do zgjidhte Kuvendi, Gjykata e Lartë dhe sërish Meta.
“Këshilli i Emërimeve në Drejtësi kishte për detyrë të zgjidhte kandidatët duke ia paraqitur Kuvendit dhe Presidentit. Ama Kushtetuta kishte një rregull duhet të fillosh me presidentin, do i çosh tre emra për një post. Do mbarosh me këtë do i çosh Kuvendit, pastaj Gjykata e Lartë dhe pastaj i 4 do vinte prapë tek Presidenti.
Por për çudi ishte se për aq kohë sa nuk kishte kandidatë edhe 1 që presidenti e kishte dekretuar, Besnik Muçi, përsëri u paraqit si kandidat në Kuvend. Por kjo është absurde. Nuk kishte numra. As persona ishin kualifikuar.
Për mua nuk u respektua Kushtetuta, u shkel”, theksoi Sollaku.
Ngërçi i Kushtetueses/ Meta reagon sërish: Skandaloz presioni politik ndaj KED
