Ministrja e Arsimit dhe Sportit, Evis Kushi, në Komisionin për Edukimin iu përgjigj akuzës së deputetes Ina Zhupa e cila nënvizoi se abetarja e përbashkët ishte pa standarde.
Kushi theksoi se abetarja ka përfshirë ekspertë e profesionistë nga të dy vendet, Shqipëria dhe Kosova, dhe nuk mund të hidhet poshtë puna e tyre thjesht me një vlerësim të thjeshtë.
“Është guxim i madh që thoni se e paskeni bërë vlerësimin dhe thoni që është pa standarde”, u shpreh Kushi.
Ajo nënvizoi se procesi i ndjekur për abetaren unike ka qenë transparent, dhe ka angazhuar ekspertë e specialistë nga Shqipëria dhe Kosova, duke u ndjekur të gjitha kriteret dhe detajet.
