Disa muaj më parë, u përfol se Anxhelina Hadërgjonaj, vajza e këngëtares Albërije Hadërgjonaj dhe kushërira e saj, vajza e tezes, Beatriks Ramosaj nuk e ndiqnin më njëra-tjetrën në ‘Instagram’, teksa filluan të hiqnin nga profili i tyre edhe postimet ku vajzat pozonin krah njëra-tjetrës.
E ftuar në “E Diell”, Albërija sqaroi me detaje të vërtetën e kësaj historie.
“Fëmijët e motrës sime i dua shumë. Ndonjëherë bëjnë zënka për gjëra të vogla, pastaj e heqin njëra-tjetrën nga Instagrami, portalet fillojnë të bëjnë lajmet dhe kështu me rradhë”, rrëfeu ajo.
E pyetur se si po shkojnë aktualisht punët mes familjes Hadërgjonaj dhe asaj Ramosaj, këngëtarja u përgjigj se nuk ka asgjë për t’u shqetësuar, ndërsa shtoi se këto ditë që ndodhet në Shqipëri po qëndron tek shtëpia e motrës së saj.
“Përderisa unë këto ditë që jam në Shqipëri po jetoj te shtëpia e motrës sime, a nuk bien poshtë këto që po thoni ju? Shkojmë shumë mirë me njëra–tjetrën, nuk ka asgjë për t`u shqetësuar”, tha duke qeshur Albërija, duke sqaruar kësisoj njëherë e mirë “zënkën” e famshme.
