Prokuroria e Posaçme kundër Krimit dhe Korrupsionit (SPAK), ka thirrur për të dëshmuar deputetin Petro Koçi. Ky i fundit është thirrur nga SPAK, për të dëshmuar ditën e hënë, më 26 korrik, për deklaratat e tij. SPAK hapi një çështje pas deklaratave të deputetit të zgjedhur, i cili i bëri thirrje Prokurorisë të shkojë në Fier dhe të hetojë financat publike, pasi sipas tij, tenderat po fitohen nga trafikantët.
Pak ditë më parë, Petro Koçi ftoi SPAK në Fier, sepse sipas tij, duart e krimit janë shtrirë mbi financat publike. Protagonistë të trafikut të drogës dhe të dhunës tashmë kanë legalizuar subjekte biznesi që fitojnë tendera publikë. Petro Koçi deklaronte se këtë e realizojnë ose nëpërmjet lidhjeve të drejtpërdrejta me ndonjë titullar institucionesh ose nëpërmjet kërcënimit të zyrtarëve të caktuar që ekzekutojnë prokurimet, si edhe nëpërmjet eleminimit të konkurrentëve në procesin e tenderimit duke kërcënuar pronarët e subjekteve të biznesit.
Statusi
Efektet e SPAK dhe te Reformes ne Drejtesi po japin rezultat.
Reforma ne Drejtesi eshte merite shembullore e PS.
Bota e krimit dhe te korruptuarit kane filluar te ndjejne frike nga ligji.
Keto efekte i mirepresim edhe ne Fier ku duart e krimit jane shtrire mbi financat publike.
Protagoniste te trafikut te droges dhe te dhunes tashme kane legalizuar subjekte biznesi qe fitojne tendera publike.
Kete e realizojne
a, nepermjet lidhjeve te drejtperdrejta me ndonje titullar institucionesh
b, nepermjet kercenimit te zyrtareve te caktuar qe ekzekutojne prokurimet
c, nepermjet eleminimit te konkurrenteve ne procesin e tenderimit duke kercenuar pronaret e subjekteve te biznesit.
Te fuqizuar sidomos duke lare parate e pista ne industrine e ndertimit ata vazhdojne te pervetesojne fitime kolosale nga taksat tona.
Organet ligjzbatuese nuk duhet te lejojne qe qyteti yne ti nenshtrohet botes se krimit te organizuar.
Partia Socialiste nuk ben ASNJE HAP PAS ne luften ndaj se keqes.
