E shtunë, 12 Qershor, 2021
27.5 C
Tirana

Kush janë Dinkat, njerëzit më të gjatë në botë

Sipas shkencës, përbërja gjenetike ose ADN-ja e një personi është përgjegjëse për rreth 80 për qind të gjatësisë së një njeriu. Faktorë të tjerë përfshijnë hormonet, gjendjen shëndetësore, të ushqyerit dhe nivelet e aktivitetit fizik. Fisi Dinka në Sudanin e Jugut, mban rekord për shkak se ka disa nga njerëzit më të gjatë në Afrikë dhe ndoshta në botë.

Po kush është fisi Dinka

Fisi Dinka është një grup etnik Nilotik në Sudanin e Jugut, që banon përgjatë lumit nga Jonglei në rajonin Abyei të Ngok Dinka në Sudanin e Jugut. Ata e kanë origjinën nga Gezira (në Sudanin e sotëm), dhe thuhet se drejtoheshin nga mbretëria e Alodias, një perandori shumë-etnike e krishterë e dominuar nga Nubianët.

Ata janë fisi më i madh etnik në Sudanin e Jugut, dhe një nga tre grupet që formuan vendbanimet e dikurshme. Pasi e mbrojtën rajonin e tyre nga turqit osmanë dhe i rezistuan përpjekjeve për skllavërim nga tregtarët e skllevërve, që synonin t’i konvertonin në besimin Islam në mesin e viteve 1800, fisi Dinka u përhap në të gjithë rajonin.

Sipas regjistrimit zyrtarë të popullsisë së Sudanit në vitin 2008, fisi Dinka përbënte rreth 18 për qind të popullsisë prej 4.5 milion banorësh të Sudanit të Jugut. Të njohur gjerësisht si mbarështues të bagëtive, njerëzit e këtij komuniteti praktikojnë kryesisht bujqësinë tradicionale.

Gjatësia e pazakontë e këtyre njerëzve

I etiketuar shpesh si “fisi i basketbollit”, njerëzit Dinka duket se kanë disa nga njerëzit më të gjatë në Afrikë dhe në botë në përgjithësi. Shumica e njerëzve janë me lëkurë të errët, të hollë dhe natyrisht të gjatë. Tiparet e tyre fizike i kanë bërë ata të dallohen në shumë mënyra dhe shumë turistë që i vizitojnë, mbeten të magjepsur.

Sipas një raporti nga Roberts dhe Bain Bridge, në vitet 1953-1954, gjatësia mesatare e burrave në një kampion prej rreth 52 prej tyre është 182.6 cm, teksa për 227 gra Dinka ishte 181.3cm. Është interesant fakti që lojtari më i gjatë në historinë e NBA, është gjithashtu një njeri i fisit Dinka, i quajtur Manute Bol, me një gjatësi 2 metra e 32 centimetra.

Ai ka luajtur për skuadrat e mirënjohura Miami Heat, Golden State Warriors dhe Washington Bullets. Megjithëse ka pasur shumë spekulime në lidhje me shkakun e gjatësisë së pazakontë të këtyre njerëzve, shpjegimi më i zakonshëm është ushqimi i tyre,që thuhet se bazohet tek qumështi dhe ushqimi organik. Por shumë ekspertë thonë se një rol luan edhe gjenetika, pasi shumë fise të tjera që kanë thuajse të njëjtën dietë, nuk duket se janë aq të gjatë.

Burimi i lajmit: https://historyofyesterday.com/the-culture-with-the-tallest-people-in-world

Përshtatur nga TIRANA TODAY

- Reklama -

Më shumë nga kategoria




Të fundit

Të shtëna me ar*ë në SHBA, 13 të plagosur, autori ende i lirë

Një ngjarje e rëndë ka ndodhur të Teksas të Shteteve të Bashkuara të Amerikës, ku një person ka shtënë me armë duke lënë të...

Përmbyset autoboti me naftë në Elbasan, bllokohet shoferi

Një autobot me karburant është përmbysur mesditën e sotme në aksin rrugor Elbasan-Librazhd, pranë fshatit Xibrakë. Sipas informacioneve paraprake, mësohet se shoferin e ka zëne...

Shpërthimi i kontrolluar i ‘gjobës’ Becchetti

Nga: Agim Baçi Dikur qarkullonte në internet një letër që një vajzë i dërgonte së ëmës, e cila në thelbin e saj lidhej me gjetjen...

Uells-Zvicër/ Pjesa e parë pa gola, portierët vendimtarë me pritjet e tyre

Ka përfunduar me rrjeta të paprekura, pjesa e parë e ndjeshjes midis Zvicrës dhe Uellsit. Një 45 minutësh ku spektakël dhuruan portierët e skuadrave...

Vrasja e 20-vjeçares në Greqi, zbulohet makina me të cilën janë larguar autorët

Zbardhen detaje të reja në lidhje me vrasjen e 20-vjeçare britanike Caroline, e ndodhur pak javë më parë në Greqi. Në emisionin e gazetarit grek...