Në seancën e posaçme plenare mbajtur ditën e sotme, Kuvendi miratoi me 101 vota pro ngritjen e Komisionit Hetimor për shkarkimin e presidentit Meta.
Ndërkohë, ajo që tërhoqi vëmendjen ishte dhe mungesa e tre deputetëve nga opozita e re. Bëhet fjalë për Rudina Hajdarin, Myslym Murrizi dhe Ralf Gjoni.
Kujtojmë se pak ditë më parë, Hajdari deklaroi se ngritja e Komisionit Hetimor për shkarkimin e presidentit duhet të shtyhet deri kur Gjykata Kushtetuese të jetë funksionale.
Nga ana tjetër, Ralf Gjoni është shprehur se Grupi i Pavarur Parlamentar nuk ka gjetur dot dakordësi, ndërsa e ka konsideruar një nismë të nxituar.
