Gazetarja Klodiana Lala ka deklaruar sot në Opinion se një zyrtar i lartë i Elbasanit po hetohet dhe pritet të arrestohet së shpejti.
Këtë deklaratë, Lala e bëri duke iu referuar vizitës së Qatos në Elbasan.
“Një zyrtar shumë i lartë në Elbasan është duke u hetuar, nuk është thashethem. Zoti Qato me mbërritjen në Elbasan ka nisur verifikimet për këtë personazh dhe besoj do të kemi rezultate së shpejti. Zyrtari është i zgjedhur, në kuadër të këtij hetimi, fokusi kryesor i takimit ka qenë ky. Qato ka analizuar edhe të dhënat për dy ngjarje të tjera të cilat janë duke u hetuar nga Prokuroria për Krime të Rënda”, deklaroi Lala.
Gazetari Armand Shkullaku shtoi se parlamenti është mbushur me banditë, ndërsa tha se do ketë hetime edhe ndaj zyrtarëve të Elbasanit dhe Durrësit.
“Do jetë Elbasani, do jetë Durrësi. Nuk është vetëm Saimiri, 20 banditë në parlament”, tha Shkullaku.
Më herët, edhe gazetari Artan Hoxha njoftoi se së shpejti do të kërkohet arrestimi i një deputeti tjetër.
