Të tjera detaje janë bërë të ditura nga sekuestrimi i sasisë së drogës në Igumenicë. Policia ka identifikuar skafistin shqiptar që u kap nga policia greke me gomonen plot me droge në plazhin e Platarias në Igumenicë. Dritan Jorgji, 42-vjeç nga Saranda, i njohur me pseudonimin “Tan Zimani”. Operacioni është zhvilluar sot pas mesnate dhe në pranga ka rënë një shqiptar që ishte në rolin e skafistit.
Sipas hetimeve të para mësohet se në gomone u gjeten 36 pako me 424 kg marijuanë.
Shqiptari i arrestuar është një 42-vjeçar, Dritan Jorgji. Policia ka njoftuar se ai u kap teksa tentonte te nxirrte drogën nga gomonia e ta hidhte ne breg.
Policia greke:
Gomonia është nisur nga brigjet shqiptare. Operacioni pas informacioneve të Asfalias Preveze, të cilët kërkuan ndihmën e policisë kufitare dhe te 6 skafeve nga Igumenica, Korfuzi dhe Lefkadha. Në orën 02.00 me orën lokale, gomonia u shfaq ne Plataria. Policia ndërhyri në momentin qe skafisti 42-vjeç, shqiptar, lidhi gomonen dhe po shkarkonte drogën. Brenda në gomone 36 pako me 424 kg marijuane. Hetimet i bën Asfalia Preveze në bashkëpunim me Prokurorinë e Thesprotisë.
