Një nga viktimat e tërmetit të fuqishëm të 26 nëntorit është edhe një studente Mjekësie.
Kristi Reçi, vajza 25-vjeçare nuk mundi të dalë e gjallë nga rrënojat.
Konfirmimin e jep vetë Rektori i Universitetit Mjekësor të Tiranës Arben Gjata në një status të veçantë në rrjetet sociale kur shkruan se Kristi Reçi, studente e këtij Universiteti, konfirmohet mes viktimave të tërmetit të mëngjesit të 26 nëntorit.
Aktivistja Elona Caslli shkruan: “Mes shumë dhimbjesh, lotëve dhe trupave nën rrënoja që u nxorën pa frymë, ishte edhe trupi i një mjekjeje të ardhshme si Kristi Reçi. Thonë se toka merr më të mirët. Thonë se më të mirët ikin gjithmonë më shpejt. Gjithçka thuhet apo thonë, një gjë mund të thuhet me siguri. Ishte e parakohshme ikja jote”.
